14'ê Gulanê roja zimanê kurdî hat pîrozkirin!.. |
|
 Li Amed Wan û Îzmîrê daxuyaniyên çapemeniyê hatin dayîn
14.05.2008 – 14ê Gulanê Cejna Zimanê Kurdî li Amed, Wan û Îzmîrê bi beþdariya girseya gel, bi daxuyaniya çapemeniyê hat pîrozkirin. Di daxuyaniyan de bal hat kiþandin ser zext û polîtîkayên asîmîlasyonê yên li ser kurdî. Her wiha hat daxwazkirin ku kurdî bikeve bin parastina Qanûna Bingehîn û bibe zimanê perwerdeyê. Di daxuyaniyê de ji kurdan jî hat daxwazkirin ku di têkiliyên rojane de bi kurdî biaxivin.
Komeleya Lêkolîn û Pêþvebirina Zimanê Kurdî (KURDÎ-DER) ji bo 14ê Gulanê Cejna Zimanê Kurdî li Amedê, li ber derê Mala Mêvanan a Þaredariya Bajarê Mezin daxuyanî da çapemeniyê. Þaredarê Kayapinarê Zulkuf Karatekîn, Serokê DTPê Þaxê Amedê Nejdet Atalay, Serokê Komeleya Nivîskarên Kurd Îrfan Babaoglu, Însiyatîfa Dayikên Aþtiyê, Komeleya Hemwelatiyên Azad, Aktîvîstên DÖKH û bi sedan kes beþdarê daxuyana çapemeniyê bûn. Di dema daxuyaniyê de drûþma ”Zimanê me rûmeta me ye” hat bilindkirin. Serokê Giþtî yê KURDÎ-DERê got: ”Kurdî zimanê gelê herî qedîm e ku bi hezaran sal in li ser vê axê dijî.”
TZP Kurdi Þaxê Wanê, ji bo 14ê Gulanê Cejna Zimanê Kurdî, li Kuçeya Hunerê daxuyaniyek da çapemeniyê. Nûnerên DTP, Göç-Der, TUAD-DER, Navenda Çanda Serhedê, KESK, Eðitim Sen, YÖDER, endamên meclîsa þaredariyê yên DTPyî, Tevgera Hemwelatiyê Wekhev û Azad, Tevgera Jinên Demokratîk û Azad (DÖKH), Komeleya Mafên Mirovan ÝHD û saziyên çapemeniyê yên azad piþtgirî dan daxuyaniyê. Berdevkê demê yê TZP Kurdî Qahir Bateyî di çalakiyê de axivê û weha got: Kurdî, ji her demê bêtir bi polîtîkayên pêkutî, zext û zorê re rû bi rû ye. Ji Asîmîlasyonê bigire heya qedexekirinên cur bi cur, komkujiyeke spî li ser kurdî tê mêþandin.”
Kurdî-Der Amed Peyana Îzmîrê jî, li taxa Konakê, li ber Sumerbanka kevin daxuyaniyeke çapemeniyê da. DTP, EMEP, SDP, ESP, ÝHD, Göç-Der, TAYD-DER, Azadiya Welat jî piþtgirî dan daxuyaniyê. Berdevkê Kurdî-Der Amed Peyana Îzmîrê Serdar Balci axaftinek kir, balê kiþand ser zimanê kurdî ku hîn jî ne azad e, ji lewra jî, di bin xetereyê de ye û weha berdewam kir: ”Serokwezîr got 'Pêkutî û astengkirina pêþveçûna azad a zimanê gelekî, tewanbariya li dij mirovahiyê ye' lê li gel van gotinan jî, li Tirkiyeyê kurdî hîn jî di bin pêkutiyan de ye û ev jî durûtî ye.”
Çavkanî: ANF NEWS AGENCY
Amadekar û wergera ji tirkî: mfa / Amîda Kurd
Çavkanî:Amîda Kurd
|
|
 |
Dîrok: 14.05.2008 Saet: 16:21 Nivîs ji: Bawer
|
|
 |
|
| |
|
