Antolojiya Helbestvanên Kurd derket |
|
 YEKO ARDIL / DÎHA
BERLÎN - Antolojiya helbestvanan ya ku ji aliyê Nivîskar û Zimanzan A. Balî ve hatiye amadekirin û ji 4 cîldan pêk tê, cih dide 300 hebastvanên kurd ên sedsala dawî.
Di antolojiyê de helbestvanên wekî Cegerxwîn, Kawa Nemir, Enwer Mayî, Muhsîn Qochan û ji helbestvanên jin jî Axîn Welat, Selwa Gulî û Fatma Savci cih digirin.
Pirtûkxaneya kurdî bi xebatên ku ji aliyê Nivîskar û Zimanzan A. Balî ve tên meþandin, gihîþt berhemeke din a berfireh û dewlemend. A. Balî, helbestvanên sedsala dawî (sedsala 20'emîn) yên kurd bi Antolojiya Helbestvanên Kurd a ji 4 cîldan pêk tê nemir dike. Di antolojiyê de kurtejiyana helbestvanan û ji her nivîskarekê/î 4 helbest cih digirin.
Her wiha helbestên ku di antolojiyê de cih digirin ji 4 zaravayên kurdî (kurmancî, zazakî, soranî û hewremanî) pêk tên. A. Balî, ji bo amadekariya antolojiyê ji sala 1980'yan û vir ve xebatên berhevkirina helbestvanên kurdî dimeþîne. Balî, berî niha jî 2 xebatên xwe yên antolojiyê çap kiribûn, lê ev xebata wî ya dawî bi sedsala 21'emîn ve tê sînorkirin. Antolojiya Helbestvanên kurdî carekê li welat û carekê jî li Almanyayê, du caran hatiye çapkirin.
'Hêj gelek helbestvan hene'
Di antolojiyê de nêzî 300 helbestvanên kurd cih digirin. Lê dîsa jî A. Balî, di pêþgotina antolojiyê de ji ber ku negihîþtiye tevahiya helbestvanên kurd xemgîniya xwe ya bilêv dike û wiha dibêje: "Li gorî sernavê helbestvanan, rêza navên wan di antolojiyê de hatiye dayîn. Radekirin, rêzkirin û rûmetkirina wan êdî gelê me tayîn dike.
Lê ez dizanim ku hêj bi sedan helbestvanên kurd ên di nav me de dijîn hene, mixabin navên wan di nav antolojiyê de cih negirtine. Ji welat dûr ez negihîþtim gelek kesan. kesên pêwendîdar di vî derbarî de dikarin min ji bo çapeke din agahdar bikin da ku em cih bidin yên din jî.”
çavkani:azadiyawelat.com
|
|
 |
Dîrok: 05.03.2008 Saet: 18:21 Nivîs ji: Bawer
|
|
 |
|
| |
|
