TRT Şeş yan TRT ŞAŞ!!!

[endezyar]

TRT Kurdî dest bi weşana xwe ya testê kir. Di jiyana min ya rojane de tu guherîn çênebûn. Qet haya min jî jê tinebûn, min nizanibû ku ev qanal wê vê rojê dest pê bike. Weşan dest pê kir û nîqaş jî pêre. Ji ber meraqa xwe min di înternetê de li nûçeyên vê mijarê nêrî. Nûçeyekî gelekî bala min kişand. Ev nûçe jî ya TRT’yê bixwe ye. Malpera TRTê li ser TRT ŞEŞ bi serikê “Baleke Mezin ji Weşana TRT 6 re” nûçe nivisiye. Ji ber ku ev nûçe di malpera TRTyê bixwe de ye gelekî giring e. Lê di naveroka nûçeyê de tu tiştekî tuneye. Nûçe valaye. Ji nêrînên gel tu tiştekî tuneye. Tiştê herî girîng jî ne ev e. Nûçe bi xwe li ser TRT ya Kurdî ye lê di nûçeyê de yek peyveke Kurdî tûneye. Şixo nûçe jî zêde nîn e, bi tevahiya xwe ji 9-10 hevoka çêdibe. Ne peyveke Kurdî ne jî navê zimanê Kurdî di nivisêde derbas nabe. Nûçegihanê ku vê nûçeyê nivisiye wusa xuya dike ku ji zimanê Kurdî ditirse. Gelo zimanê Kurda yan jî Kurd çima wusa bûne tirsdêr. Çima ev dewlet û nûçegihanê wê ji vî zimanî wusa ditirsin. Ev rewşeke gelekî ecêb e. Bi deh salan zimanekî tûne bihesibîne, di peyda poşman bive lê dîsajî ji riya xwe şaş nebe. Ji bo vê ramana tewş bibe sebebê kuştina mirovan, di emel de xwestekê gel hêdî hêdî bîne cî lê vêya jî bi awayekî şaş bike. Dewlet gaveke mezin avêtiye, bi “zimanekî ku nayê zanîn” televizyon vekiriye. Ev mînak di tu ciyê cîhanê de tûneye. Televizyon veke û bi zimanekî ku nayê zanîn weşan bike. Kenê mirov pê tê. Ev rewş wê di demên pêş de pir were nîqaşkirin. Wê weledên vî gelî bi wan bikenin. Ez dikenim. Wun jî bikenin..

endezyar.org

[oxiro]

Bi rastî ez televizyona TRT Şeş gaveke erênî dibînim. Her çi qas ev ji bo hilbijartinan be jî divê em lê jî xwedî derkevin. Ez dibêjîm divê berî herkesî DTP li vê qenalê xwedî derkeve. AKP niha dixwaze propagandaya xwe li ser vê televizyonê bike , ku DTP lê xwedî derkeve dikare ji AKP zêdetir propagandaya xwe bike. Wekî din dewlet va nêzî 100 salan Kurdan înkar dikir , îro ku hebûna Kurdan naskiribe li vir divê em ji bîr nekin ku keda herî mezin ji aliyê heval, şehîd û girtîyên doza azadiyê ve hatiye dayîn. Wekî din çima hûnermendên ku derdikevin TRT 6'yê wek xayîn tên binav kirin ez fêm nakim... Bila sazîyên me baş bifikirin gelo li meseleya TRT Şeşê de ji bo menfeeta gelê xwe difikirin , an ji bo partîya xwe ?

[kirsehir]

Li gorî min TRT6 ji bo xapandina Kurdan hatiye ava kirin.Dîsa jî tiştekî baş e.Çimkî ligel vê qenalê politikaya înkar têk çû.Lê li ser Kurdî zext berdewam e.Alinak dîsa ji ber kurdî ceza girt.Kurdî tenê ji dewletê re serbeste.Herî dawî xortên Kurd ji ber Kurdî ceza girtin.Ocalan rast dibêje'dewlet Kurdê xwe diafirine.Va politkayekê qirêje.Him jî berê hilbijartinan.??Kerdogan berê vê faşîst bû,niha demokrat e?Yanî çexbûna vêqas nabe.Bila her kes çavê veke,bibîne.

Spas dikim

[Sewq]

Wek û herderê li vir jî gotûbêj ser mijarê TRT Şeş tê kirin. Berê ez dixwazim ser peyve "gotûbêj" yek du tişt da binivsînim.
Du çinê(kategorî e) rexne(critical) kirin e gotûbêk hene;
1. Rexnekî erênî(constructive critical) wate ye wê çinê va ye;
Kesê rexnekî erênî dike, daxwaze ku ma ew mijar li ser gotûbêj tê kirin, pêşve biçe.

2.Rexnekî nerênî(destructive critical);
Dawxaze rexnekar, qir(îmha) kirina mijarê ye.

Niha heta îro rexne kirin hertim li ser çinê nerênî tê kirin. Lê weşanê TRT na gavekî neçê ye ango nerênî.
Bi dest pê kirinê weşanê TRT, dewlet hemû angaşte(îddîa) xwe bi hewldanekî bixwe pûç kir. Ew reftarê dewletê hinêk paradoks bû. Lê dîsa jî xêr û ber be.
Bi wî gavî, ber fermî bûyînê kurdî ava dibe. Ango ji kurdî re gavêkî girîngê.
Bêguman ez jî hinêk tengezarim, ez jî baş dizanim ku paş wî gavê berjewendî(menfaat) heye, lê dîsa jî gavêkî baş û erênî ye.

[oxiro]

Hevalê Sewq ez jî wek te dibêjim ev gaveke erênî ye. Lê belê bila ti kes minnetê li gelê me neke. Çimkî vê heqê me bixwe standîye ti kesî dîyarî me nekiriye.Ev heq bi xwîna şehîdên doza azadiyê hatiye standin.

Wekî din jixwe mirovên me yên zana li televizyonên xwe temaşe dikin. (Roj, kurd-sat, kurdistan tv) Vê havînê ez welat bûm. Li qehwexaneyên Sêrtê û Batmanê mirovên me yên bêaqil li nûçeyên Şeytanok Tv (Samanyolu) temaşe dikirin , li rêzefîlmên wek Tek Türkiye û Kurtlar Vadisi (Kûçikler Vadisi) temaşe dikirin. Niha ew kes TRT 6 ê temaşe dikin. Bila jehr be jî ziqûm be jî ku bi zimanê me be ma ne çêtir e ? Tiştê herî baş bi saya TRT Şeşê ( ez jê re dibêjim şeş , êdî hûn bixwazin bêjin şaş bixwazin bêjin cehş) mirovên meyên nezan zimanê xwe jibîr nakin ma çi zirarê vê tiştê heye ?

[Sewq]

Hevalê kî min carêk ji min re go li ser mijarê TRT Şeş, "jixwe dewlet dixwaze me bixapîne, lê xapandîn bi kurdî xweşê", ango em jî baş dizanin ku paş wî gavê berjiwendî heye.

[kirsehir]

TRT 6 qezença Kurdan e.Lê em bizanibin ev qenal ne ji bo azadiya Kurdan e.Heke dewlet ji Kurdan pir hez dike,bila dibistanên Kurdî veke.