Girêdanên daxistina Ubuntu 7.10 û wêneyên sazkirinê

[Bawer]

Girêdanên daxistina CD'ya Ubuntu 7.10:
ISO: http://daxistin.ubuntu-ku.org/ubuntu-ku-7.10-desktop-i386.iso
TORRENT: http://linuxtracker.org/download.php?id=4801&name=ubuntu-ku-7.10-desktop-i386.iso.torrent

Me di forumên PCKurd.netê de ji bo sazkirina Ubuntuyê nivîsandibû û wêneyên sazkirinê lê zêde kiribûn. Min xwest ji bo sazkirina Ubuntu 7.10 bi sernavekî din binivîsim.
Heke em bi awayekî hêsan qala sazkirinê bikin, divê em li ser pênc xalan rawestin.
1 - Divê di hard dîska me de beşeke vala hebe da ku em Ubuntuyê lê saz bikin. (Di sazkirinê de ev beş dê li gorî pergala pelan a Linuksê were formatkirin.)
2- Di pêvajoya sazkirinê de emê agahiyên di der barê xwe de yên wekî ziman, nav, nasnav, herêma demê, klavye û hwd. têkevinê.
3 - Em ê beşa (ku me berê vala kiribû) ji bo ku ubuntu lê saz bibe, bi pergala pelan a Linuksê format bikin.
4 - Piştî ku em agahiyên xwe ketinê û me beşa hard dîskê format kir, em ê pêl li bişkojka "saz bike" bikin da ku Ubuntu saz bibe.
5 - Piştî ku sazkirin qediya em ê pêl bişkojka "Ji nû ve bide destpêkirin" bikin da ku CD'ya sazkirinê ji CDRom'ê derkeve û komputer bi pergala sazbûyî (Ubuntu) dest pê bike.

Ya rastî hewce nedikir ku ez hemû wêneyên pêvajoya sazkirinê têxim virê. Lê ji bo ku beriya sazkirinê di mejiyan de pirs nemînin, min hemû wêne xistinê. Lê ez ê ji bo hemû wêneyan şîrove nenivîsim, ez ê tenê ji bo wêneyên pêvajoyên formatkirnê şîroveyan binivîsim.


Niha di Windowsê de yî? Komputera te çend beş in? "C", "D" û "E"? Em ê Ubuntuyê li ser "E"ê saz bikin. Di "E"yê de tiştên te yên girîng hene? Hemû pel, peldank û belgeyên di "E"yê de di CD/DVD'yeke vala de hilîne. An jî wan belgeyên xwe yên girîng ji ber bigire û bar bike "D"yê. Ji bo ku Ubuntu li ser "E"yê saz bibe, em ê di pêvajoya sazkirinê de "E"yê format bikin. Lê divê em niha beşa "E"yê ku me vala kiriye, jê bibn.
Ji bo ku tevahiya rewşa Hard Dîskê bibînî riya "Başlat → Denetim Masası → Yönetimsel Araçlar → Bilgisayar Yönetimi” bişopîne û di paceya vebû de li ser “Disk Yönetimi”yê bitikîne.
Paceya rêvebiriya dîskan dê ji vê wêneyê cudatir xuya bike. Lê ji ber ku te belgeyên di beşa "E"yê de hîlanîne, bê tirs be Li ser "E"yê rast bitikîne û beşa "E"yê jê bibe. Piştî ku "e" hat jêbirin, dê ji dêvla şîn de reş xuya bike.





Di vê gavê de hişyar be!!!
Heke dixwazî di komputera te de tenê Ubuntu hebe û Ubuntu li ser tevahiya dîskê saz bibe, vebijêrka jortirîn nîşan bike "Bi alîkarî - Hemû dîskê bi kar bîne. Bi vî awayî hemû tiştên di komputerê de -pergalên xebatê, wêne, muzîk, nivîs- dê jê bêne birin.
Heke te ciyekî ji bo Ubuntuyê vala kiribe û tu naxwazî serê xwe bi formatkirinê re biêşînî, vebijêrka "Bi alîkarî - cihê vala yê hevgirtî yê herî mezin bi kar bîne" nîşan bike. Bi vî awayî formatkirin dê xwebixwe bê kirin û paceyên formatkirinê dê xuya nebin. Pêşniyara min ev e ku kesên di Ubuntuyê de nû ne, vê vebijêrkê nîşan bikin.
Heke bixwazî formatkirinê tu çêkî, vebijêrka li jêrtirîn "Rêber" bitikîne.

Heke te "Rêber" tikandibe, tu yê wêneyê li jêr bibînî.
Li ser ciyê vala nîşan bike û li ser "New partition" bitikîne.

Ji mezinahiya di wirê de xuya dibe 4 GB (4096 MB) kêm bike. Mezinahî 27595 MB bû. Min li dora 4 GB'î jê kêm kir. Ma ye 23595 MB.
wekî di wêneyê de xuya dibe, ji bo pergala pelan ext3 hilbijêre û xala mountê jî wekî "/" binivîse

Me ji beşa vala 4 GB kêm kiribû. Niha ew 4 GB wekî ciyê vala xuya dibe. wekî gava berê, dîsa ciyê vala nîşan bike û li ser "New partition"ê bitikîne.
Dest nede mezinahiyê. Pergala pelan wekî "swap" çêke û dest nede xala mountê.

Di vî wêneyê de rewşa hard dîskê ya dawî xuya dibe. Heya ku paceya agahiyên wekî nav, paşnav dixwaze derkeve "Pêş" bitikîne. piştî ku tu agahiyan ketiyê, dîsa heya dawiyê pêş bitikîne.


Li ser "Install" bitikîne.






Pîroz be!!! Te Ubuntu li ser komputera xwe saz kir.
Niha pêl "Ji nû ve bide destpêkirin" bike da ku CD derkeve û komputer ji nû ve bi pergala sazbûyî dest pê bike





Çavkanî:www.pckurd.net
Amedekar:Amed çeko Jîyan

[/img]