Wednesday, January 23, 2013

Zimanê Kurdî ne zimanê qûnhejandinê ye!

Wek gelek kesî ez jî bikarhênerê facebook’ê me û wek gellek malpersazan ez jî di facebook’ê de xwediyê hin koman in.
Min di komekê de mîhengekê ji bir kirîye. Min bi çewtî destûr daye ku her endam dikarin li dîwara komê girêdanan parve bikin. Vêca camêrek(!) jî vîdeoyekê li ser dîwara komê parve kiriye. Li sernivîsa vîdeoyê “Kürtlerin Şakira’sı” nivîsiye yanî “Şakîra’ya Kurdan” Min got “hella hella ev çi mesele ye?” Min vîdeoyê vekir. Klîp bi jineke zerik destpê dike. Xanimê ji jîpekê (jeep) peya dibe û xwe berdide deryayê. Geh li jîpê siwar dibe, geh li mersedesekê siwar dibe, geh jî xwe berdide nav deryayê. Biborin lê qûna xwe dihejîne û nîvî Tirkî nîvî Kurdî dibêje “li min li min liminê, ez ketime nizanim çi” filan bêvan. Ez navê xanimê nabêjîm jixwe ne hewce ye ku em reklama wê bikin. Werhasil ez hêrs bûm û min wî endamê ku wê vîdeoyê parve kiriye ji komê avêt û mîhenga dîwarê serast kir.

Heyran dizanim hewcehiya Kurdan jî bi Shakirayekê heye. Ma mirov naxwaze hûnermendeke Kurd ji her aliyê dinyayê ve bê guhdarkirin? Lê belê vê tiştê ji bir nekin, Shakira ne bi qûnhejandina xwe bû Şakira. Ew bi hûnera xwe, bi dengê û awazên xwe bû Shakira!

Ev nivîs ji malpera berê a oxiro.net hatiye girtin.
Dîroka nivîsê: Nîsan 2010

No comments:

Post a Comment